DALI STE ZNAELE

Ако некогаш сте виделе како змиите се движат, иако тоа било на телевизија, мора да сте се запрашале две работи.  Прво, како змијата воопшто се движи, бидејќи не се гледаат нозе! Второ, се добива впечаток дека змијата се „лизга“ по површината како да нема коски во нејзиното тело!

Сепак, змијата е преполна со коски. Има р'бетен столб составен од многу независни пршлени поврзани со многу подвижни зглобови, а за секој пршлен се поврзани по пар ребра. Некои змии имаат дури и по 145 пара ребра, поврзани со многу подвижен р'бетен столб.

Секој пршлен е поврзан со следниот со округло вдлабнување од задната страна, а од напред со чашка. Оттаму доаѓа и големата подвижност на змијата.

Змиите имаат коски и во главата и вилицата. Секоја змија може да ја отвори устата доволно многу за да ја проголта храната. Тоа е овозможено со независноста на сите коски во усната шуплина.
Многу од змиите не го убиваат својот плен, туку веднаш го голтаат, а варењето на храната започнува веднаш.

Значи сепак змијата има многу коски иако тоа не изгледа така.