Музи

Четврток, 11 Јуни 2009 Историја

Музи (грчки божици) - Божествени пејачки

Позивот на музите бил да ги вдахнуваат поетите и да ја популаризираат уметноста.

Постоеле 9 музи, ќерки на Зевс и Мнемозина (Паметење). Секоја од нив имала своја област на дејствување:

Калиопа - епска поезија, Клио - историја, Полихимнија - хорско пеење, Евтерпа - лирска поезија, Терпсихора - танцување, Ерато - љубовна поезија, Мелпомена - трагедија, Талија - комедија и Уранија - астрономија.

Тие ги развеселувале боговите и ги вдахнувале поетите. Ја потпомагале комуникацијата и биле заеднички на дијалогот. Музите го остварувале тоа за што пееле. Славејќи ги боговите, ја дополнувале својата слава; фалејќи ги смелите јунаци, ги запишале и своите имиња во историјата. На тој начин учествувале во уредувањето на светот и го намалиле значењето на тие кои ги заборавиле. Учениците на Питагора ги славеле музите како чуварки на знаењето и вселенските начела кои овозможувале пристап до вечните богови.

Извор: БОГОВИ И ХЕРОИ ВО ГРЧКАТА И РИМСКАТА МИТОЛОГИЈА, Младинска книга Скопје, 2008, Скопје, стр 67

Коментари

Додади ново

Пребарај