Апр

Кој живее во Бакингемската палата?

Бакингемската палата е лондонска резиденција и лична сопственост на британската кралица која претставува една од најголемите атракции во Лондон. Го добила името по куќата што била изградена таму во раниот XVIII век за војводите од Бекингем.

Викторија била првата кралица што живеела таму и тоа од 1837 година кога и официјално станала резиденција на кралицата. Џон Неш ја почнал реконструкцијата на Бакингемската палата како неокласична палата во 1821 година, но не му било дозволено да ја доврши. Последните градини останале речиси непроменети, но предната фасада била редизајнирана во 1913 година од сер Аштон Веб (1849 - 1930), како заднина за меморијалната статуа на кралицата Викторија.

Палатата, тогаш дом на кралот Џорџ V, поминала неоштетена за време на Првата светска војна. Меѓутоа, ја немала истата среќа за време на Втората светска војна, кога е бомбардирана седум пати. Нацистите сметале дека доколку ја демолираат, ќе го деморализираат и британскиот народ.

Повеќе од 50.000 луѓе годишно ја посетуваат Бакингемската палата и остануваат воодушевени од нејзината градба и автентичната архитектура.

Коментари

Додади ново

Пребарај