Како се создадени Хималаите

Во преткамбриумот и палеозоикот Индискиот Потконтинент бил дел од Гондвана - јужниот праконтинент, што од северниот континент Лауразија ги одвојувало морето Тетис. Пред 210 милиони години Гондвана се поделила на два дела. Индискиот Праконтинент со Австралија и Антарктикот биле дел од Западна Гондвана. Пред 130 милиони години помеѓу Индија и Австралија (и Антарктикот) се создал Јужноиндискиот Океан. Индија пред 84 милиони години со брзина од 16см годишно почнала да се поместува кон север и по 6000км, пред 52 милиони години, се судрила со Евроазиската литосферна плоча. Оттогаш поместувањето кон север било побавно, иако Индиската литосферна плоча се уште се поместува со неочекувана брзина од 2 до 5 см годишно. До денес таа како клин е навлезена во Евроазија речиси 2500км. Притоа дел од Индискиот потконтинент потонал и е навлезен под Тибет, а над 1000 км од кората е набрана и набиена. Хималаите сеуште се извишуваат со брзина од 5 мм годишно, поради што таа област геолошки е немирна, а често има и силни земјотреси.

Врвови кои се високи над 8000м:
На Хималаите и Каракорум се наоѓаат 96 од 100 највисоки планински врвови во светот.

Монт Еверест (Непал, 1953г)	8850м
К2 (Пакистан, 1954г)	8611м
Кангченџунга (Непал, 1955 г.)	8598м
Лоце (Непал 1956 г.)	8516м
Макалу (Непал 1955 г.)	8463м
Даулагири (Непал 1960 г.)	8167м
Манаслу (Непал 1956 г.)	8156м
ЧО Оју (Непал 1954 г.)	8153м
Нанга Парбат (Пакистан 1953 г.)	8125м
Анапурна (Непал 1950 г.)	8091м
Гашербрум 1 (Пакистан 1958 г.)
Брод Пик (Пакистан 1957 г.)	8047м
Сиша Пангма (Кина 1964 г.)	8046м
Гашербрум 2 (Пакистан 1956 г.)	8035м

(Извадок од книгата „ЗЕМЈАТА НИЗ ВРЕМЕТО“, стр. 11. Книгата може да ја порачате од нашит сајт по цена од 290 ден)

Еве едно видео клипче од YouTube на англиски за Хималаите, дел од BBC.