Јун

Како слушаме?

Кога некој предмет се движи, тој во околниот воздух го нарушува редот меѓу молекулите, кои потоа се судираат со молекулите од своето соседство. На тој начин доаѓа до бранување на воздухот и создавање звучен бран. Малите движења, како што е прелистувањето книга на пример, предизвикуваат мало бранување на воздухот, а големите, како што е фрлањето голем камен од карпа, предизвикуваат големи бранувања. Создадените звучни бранови доведуваат до треперење на деловите во внатрешноста на увото. Треперењата во вид на нервни импулси се праќаат до мозокот во кој се интерпретираат како звук. Јачината на звукот се изразува во децибили (dB). Најтивките звуци што можеме да ги слушнеме се со јачина од околу 10 dB, на пример дишењето. Нивоата на јачината на звукот од околу 120 dB, на пример музика во дискотека, можат да предизвикаат трајно оштетување на внатрешното уво.

Интерпретација на звукот во мозокот
На двете половини од мозокот се наоѓаат слушни делови кои го интерпретираат звукот. Говорот главно се интерпретира во левата, а музиката – во десната половина на мозокот.

Извор: ЧОВЕК – Голема илустрирана енциклопедија, Младинска книга Скопје, 2007, Скопје, стр. 126

Коментари

Додади ново

Пребарај